Thanthi dead. Come Immediately!

தந்தி அலுவலகத்துக்கு தொலைபேசியில் அழைத்தேன் - வரும் 17 ஆம் தேதியோடு இந்த உறவு முடிந்ததா? - ஆம் ! தந்தி வழக்கு ஒழிக்கப்பட்டுவிட்டது என்ற பதில் கிடைத்தது.

அழுத்தமான உணர்வுகளைத் தாங்கி இரகசியங்களோடு நம் காத்திருப்புக்கு சுவை சேர்த்ததும் - தபால்காரரோடு ஸ்னேகிதம் வளர்க்கச் செய்ததுமான தபாலின் நிலை இன்று - நோட்டீஸ் விநியோகம் போல ஆகிவிட்டது.

மாதம் முதல் தேதி தவறாமல் வந்துவிடுகிறது - தொலைபேசிக் கட்டணப் பட்டியல், பிறந்த நாளுக்கு துணியெடுக்கவும், திருமண நாளுக்கு நகை வாங்கவும் மறக்காமல் நினைவூட்டுகின்றன - வணிக நிறுவனங்கள்.

தந்தி - அவசரச் செய்திகளைத் தாங்கியபடி நம் கிராமங்களை வலம்வந்துகொண்டிருந்தது. காற்புள்ளியை இடம் மாற்றிவைத்தால் - பொருள் மாறிவிடும் என்றெல்லாம் எச்சரிக்கை உணர்வோடு கையாளப்பட்டது தந்தி.

இயக்கத்தின் பணத்தை சிக்கனமாக செலவளிப்பதில் கவனமாக இருக்கும் தந்தை பெரியார் - 'tolded' என்ற வார்த்தையை உருவாக்க தந்தி காரணமாக இருந்தது.

தந்தி - இனி கதைகளில் புழங்கப்படும். - தந்தி இனி தொலைத்தொடர்பு மாணவர்களுக்கு புத்தகங்களில் ஒரு கேள்விக்கு பதிலாக மாறிப் போகலாம்.

0 கருத்து சொல்லியிருக்காங்க...:

Post a Comment

Labels